ഒരു നാടകത്തിന്റെ ഓർമ്മ

 പഴയ കടലാസുകൾ പരതുമ്പോൾ ഒരു പഴയ ഫോട്ടോ കിട്ടി.1958ൽ പൈകയിൽ അവതരിപ്പിച്ച പ്രേമയാഗം എന്ന നാടകത്തിന്റെ ഗ്രൂപ്പ് ഫോട്ടോ ആണ്. നാടകം direct ചെയ്തത് എന്റെ പിതാവ് കുഞ്ഞേട്ടൻ ആയിരുന്നു. അക്കാലത്ത് ജനങ്ങളുടെ ഇടയിൽ നാടകത്തിന് നല്ല സ്വീകാര്യത ഉണ്ടായിരുന്നു. പള്ളിയുടെ fund സമാഹരിക്കാൻ വേണ്ടിയാണ് പ്രേമയാഗം അവതരിപ്പിച്ചത്. എന്റെ ഒരു ജ്യേഷ്ഠൻ, MK ടോം ആ നാടകത്തിൽ അഭിനയിച്ചു.

എന്റെ പിതാവ് കുഞ്ഞേട്ടൻ നാടകത്തെ ഒരു ഹരം ആയി കൊണ്ടുനടന്ന ആളാണ്. അദ്ദേഹം make up artist ഉം ആയിരുന്നു. യേശുദാസിന്റെ പിതാവ് അഗസ്റ്റിൻ ജോസഫിന്റെ ഒരു കടുത്ത ആരാധകൻ ആയിരുന്നു. അഗസ്റ്റിൻ ജോസഫിന്റെ ഒരു നാടകം കാണാൻ വൈക്കത്തിന് നടന്നു പോയി. കുഞ്ഞേട്ടൻ ശാസ്ത്രീയ സംഗീതം പഠിച്ചു. ഹാർമോണിയം വായിച്ചിരുന്നു.

നാടകത്തിന്റെ rehearsal കാണാൻ പലപ്പോഴും ഞാൻ പോയിരുന്നു. നാടകത്തിൽ സ്ത്രീ കഥാ പാത്രങ്ങളെ അവതരിപ്പിച്ചത് ആണ് കുട്ടികൾ ആയിരുന്നു. പെണ്കുട്ടികളെ അകറ്റി നിറുത്തിയ ഒരു കാലമായിരുന്നു അത്. ഇതിൽ ഏറ്റവും വലിയ irony, അക്കാലത്തെ ഏറ്റവും പ്രശസ്ത സിനിമാ നടി 5 km മാത്രം അകലെയുള്ള ഭരണങ്ങാനത്തു ജനിച്ചു വളർന്ന മിസ്സ്‌ കുമാരി ആയിരുന്നു എന്നതാണ്

നാടകം പൊടി പൊടിച്ചു. അന്ന് എനിക്ക് 9 വയസ്സാണ്. നാടകത്തിലെ ചില രംഗങ്ങൾ കുറെ ദിവസം എന്റെ ഉറക്കം കെടുത്തി. നാടകത്തിലെ പോലീസുകാരന്റെ ക്രൂരതയാണ് എന്റെ ഉറക്കം കെടുത്തിയത്. ആ റോൾ ചെയ്ത കുഞ്ഞേപ്പു ചേട്ടനോട് വ്യക്തിപരമായ ഒരു വിരോധം തോന്നുകയും ചെയ്തു.

1959 ൽ ഇ.എം.എസ് സർക്കാരിനെതിരെ വിമോചനസമരം കൊടുമ്പിരി കൊണ്ടു.അന്ന് പൈകയിൽ ഏറ്റവും പ്രചാരമുള്ള പത്രം ദീപിക ആയിരുന്നു. ഒരു ദിവസം front പേജ് നിറയെ കൊച്ചു വേളിയിൽ ഫ്ലോറി എന്ന ഗർഭിണിയെ പോലീസ് വെടിവെച്ചു കൊന്ന സംഭവം ആയിരുന്നു. ജനരോഷം  ആളി കത്തി. കോണ്ഗ്രെസ്സ്‌കാർ കുഞ്ഞേട്ടനോട് അഭ്യർഥിച്ചു."അഞ്ചു മണിക്ക് paikaയിൽ പ്രതി ഷേധ യോഗം ഉണ്ട്. ഫ്ലോറി സംഭവം ഒരു ഏകാംഗ നാടകമായി അവതരിപ്പിക്കണം."

കുഞ്ഞേട്ടൻ സമ്മതിച്ചു.10 മിനിറ്റിന്റെ ഒരു നാടകം. എനിക്ക് ഒരു റോൾ ഉണ്ട്. ഫ്ലോറിയുടെ മകൻ ആയിട്ട്. dialogue ഒന്നുമില്ല.  വാവിട്ട് കരഞ്ഞാൽ മതി.

പോലീസ് ഫ്ലോറിയെ വെടി വെച്ചു വീഴ്ത്തുന്നു. ഭർത്താവ് ഓടിയെത്തി പൊട്ടി കരയുന്നു.

കുട്ടിയെ ചേർത്തു പിടിച്ചു കരയുന്നു. വിലപിക്കുന്നു.

ഫ്ലോറിയുടെ ഭർത്താവായി അഭിനയിക്കുന്നത് കുഞ്ഞുകുട്ടി എന്ന ആളാണ്. ബീഡി തെരുപ്പുകരൻ ആണ്. പ്രേമയാഗം നാടകത്തിൽ ഹാസ്യ കഥാ പാത്രത്തെ അവതരിപ്പിച്ചു വളരെ കയ്യടി നേടിയ ആളാണ്.

Paika കുരിശുപള്ളിയുടെ എതിർവശത്തുള്ള പീടിക തിണ്ണയിൽ ആയിരുന്നു മീറ്റിംഗ്. നാടകം പൊടിപൊടിച്ചു. കുഞ്ഞുകുട്ടി എന്നെ കെട്ടിപ്പിടിച്ച് കുറെ ആല്മഗതം പറയുന്നുണ്ട്. കള്ളിന്റെ മണം അസഹ്യമായിരുന്നു. അത് ഇന്നും feel ചെയ്യുന്നു.