വിമാന യാത്ര അന്നും ഇന്നും ( അനുഭവങ്ങൾ )

ഇന്നത്തെ  കാലത്തു   ജീവിച്ചിരിക്കുക  എന്നത്  ഒരു   വലിയ  ഭാഗ്യമാണ് .എന്തെന്നാൽ  ഒരു  മനുഷ്യായുസ്സു്  മുഴുവൻ  ഉപയോഗിച്ചാലും  enjoyment
സാധ്യതകളുടെ   ഒരു തരി മാത്രമാണ്    അനുഭവിക്കാൻ   കഴിയുന്നത് .അനന്ത  വിശാലമായ   സാധ്യതകളാണ്   ആധുനിക  ടെക്നോളജി  തുറന്നു
തന്നിരിക്കുന്നത് .

ഇന്ന്   ഏതു കാര്യവും  വീട്ടിലിരുന്ന്  ഓൺലൈൻ  ആയി  ചെയ്യാൻ  സാധിക്കും . ഓൺലൈനിൽ  കേറാതെ  ജീവിക്കാൻ  വയ്യാത്ത  ഒരു
അവസ്ഥയാണ്  ഉള്ളത് . 'പാടാത്ത  വീണയും  പാടും ,പ്രേമത്തിൻ ഗന്ധർവ
വിരൽ തൊട്ടാൽ ' എന്നതുപോലെ  കമ്പ്യൂട്ടർ  ഉപയോഗിക്കാൻ  കഴിവില്ലാത്തവരും   അത്യാവശ്യത്തിൻറെ   വിരൽ  തൊട്ടാൽ  ഓൺലൈനിൽ  കേറുന്നു . കാര്യങ്ങൾ   സാധിക്കുന്നു .

പണ്ടത്തെ   വിമാനയാത്രകൾ  ഓർമ്മിച്ചെടുക്കുന്നത്   പഴമക്കാർക്ക്
രസകരമായിരിക്കും . ഇന്ന് ഒരു  അത്യാവശ്യം   വന്നാൽ  ഞൊടിയിടയിൽ
ഓൺലൈനിൽ  കേറി  ടിക്കറ്റ്  എടുത്തുകൊണ്ട്  പറക്കുകയായി .പ്രത്യേകിച്ച്   ഒരു  പ്രവാസിയുടെ  മാതാപിതാക്കൾക്ക്   നാട്ടിൽ
അസുഖമാണെന്ന്  കേട്ടാൽ  ഉടൻ തന്നെ  ടിക്കറ്റ് എടുത്തു   നാട്ടിൽ
പോകാൻ   സാധിക്കുന്നു .

1 9 8 4    ലെ   ഒരു   സംഭവം  ഓർക്കുന്നു . അന്ന്  നൈജീരിയയിലായിരുന്നു .ഞങ്ങളുടെ  ഒരു  സുഹൃത്തിൻറെ  പിതാവ്  മരിച്ചു . അടക്ക് കഴിഞ്
21 ആം   ദിവസം   കത്ത് വായിച്ചാണ്   അറിയുന്നത് . ഫോൺ സൗകര്യം
ഇല്ലായിരുന്നു .


എൻറെ   ആദ്യത്തെ   വിമാന യാത്ര    1974  ഡിസംബർ  22  ആം  തീയതി
ബോംബെയിൽ  നിന്ന്   കെനിയയുടെ   തലസ്ഥാനമായ   നൈറോബിയിലേയ്ക്ക്   ആയിരുന്നു . യാത്രയുടെ   ഒരുക്കങ്ങൾ
സെപ്റ്റംബർൽ     തുടങ്ങി .  അന്ന്   കേരളത്തിൽ  പാസ്പോര്ട്ട്
ഓഫീസ്  ഇല്ല . ചെന്നൈയിലാണ്    പാസ്പോര്ട്ട്   ഓഫീസ് . അവിടെ  പോയി  ഒരാഴ്ച   ഹോട്ടലിൽ  മുറിയെടുത്തു   താമസിച്ചു . Application ശരിയായ
ദിശയിൽ   നീങ്ങുന്നു  എന്ന്   ഉറപ്പ്  വരുത്തിയ  ശേഷമാണ്  നാട്ടിലേയ്ക്ക്
മടങ്ങിയത് . പാസ്പോര്ട്ട്   ഓഫീസറെ   കണ്ട്   അത്യാവശ്യമാണെന്ന്  ബോധ്യപ്പെടുത്തുകയും  ചെയ്തു . എന്തായാലും   നിശ്ചിത സമയത്തിനുള്ളിൽ    പാസ്പോര്ട്ട്  കിട്ടി .


പണം  ഇല്ലാത്ത  കാലമാണ് . അതുകൊണ്ട്   ബോംബയ്ക്കു   ട്രെയിനിൽ
പോയി . അവിടെ  ഒരു  ബന്ധുവിൻറെ  കൂടെ  താമസിച്ചു . അദ്ദേഹം  എയർപോർട്ട് ൽ     drop ചെയ്തു . ഒട്ടും   ആശങ്ക വേണ്ടാ എന്ന്  അദ്ദേഹം
പറഞ്ഞു .East African Airways ൻറെ  ഒരു  DC 10 വിമാനത്തിൽ  ആയിരുന്നു
ആദ്യത്തെ  യാത്ര .

ഇന്ന്   എയർപോർട്ട് കളിൽ   ഒരു  relaxed  atmosphere   ആണ് .1974 ൽ   അങ്ങനെയല്ല . ഇന്ന്   സ്‌ക്രീനിൽ  നോക്കി  എല്ലാ കാര്യങ്ങളും   മനസിലാക്കാം . അന്ന്  കമ്പ്യൂട്ടർ   ഇല്ലാത്തതുകൊണ്ട്   ശരിയായ  വിവരങ്ങൾ  കിട്ടാൻ   പ്രയാസമാണ് . Airline  officials  വളരെ hostile ആയിട്ടാണ്
പെരുമാറുന്നത് . വിമാനത്തിൽ   കയറി പോകാൻ  പറ്റുമോ  എന്ന  ആശങ്കയിലാണ്  ഭൂരിപക്ഷം   യാത്രക്കാരും . നീണ്ട  ക്യൂ വും   luggage ൻറെ
തൂക്കത്തെപ്പറ്റിയുള്ള    തർക്കങ്ങളും  ഉണ്ടായിരുന്നു . അന്ന്  terrorism
സാധാരണ  അല്ലാത്തതിനാൽ    കാര്യമായ   Security check  ഇല്ലായിരുന്നു .

Aircraft ൻറെ  ഉള്ളിലെ   കാര്യങ്ങൾ   നല്ലതായിരുന്നു . safety നിർദ്ദേശങ്ങൾ
ഇന്ന്   സ്‌ക്രീനിൽ  കാണിക്കുകയാണ്   പതിവ് . അന്ന്  ആംഗ്യങ്ങൾ  കാണിച്ചിരുന്നു . ഇന്നും   ആ  രീതി ഉണ്ട് . ഓസ്‌ട്രേലിയയിൽ   Sydney യിൽ
നിന്ന്   Brisbane ലെയ്ക്കുള്ള   Tiger Air ,Budget   flight ൽ     ആംഗ്യങ്ങൾ   കാണിക്കുന്നതു  കണ്ടു . സ്ക്രീനും  പാട്ടും   സിനിമയും  ഒന്നുമില്ല .1974 ലേയ്ക്ക് ഒരു  മടക്കയാത്ര . അന്നത്തേതുപോലെ   tarmac ൽ  നടന്ന്   ladder
കയറിയാണ്   വിമാനത്തിലേയ്ക്ക്   പ്രവേശിക്കുന്നത് .

1970 കളിൽ    ആഗമനം  അത്ര  രസകരം  അല്ലായിരുന്നു . ഏറ്റവും
അസഹനീയം   കസ്റ്റംസ്   ആയിരുന്നു . അന്ന്  Green ചാനൽ  ഇല്ല .
എല്ലാവരുടെയും  പെട്ടി തുറന്ന്   തപ്പിനോക്കുകയായിരുന്നു  അന്നത്തെ
കസ്റ്റംസ്  രീതി . അന്ന്  അവർ  ഡ്യൂട്ടി  അടിക്കാൻ  പിടിച്ചിരുന്ന  സാധനങ്ങൾ  എന്തെന്ന്  കേട്ടാൽ  ആരും  ചിരിച്ചുപോകും .സ്വർണ്ണത്തിനു
പുറമേ   transistor റേഡിയോ , foreign സാരി , ഓഡിയോ cassette മുതലായവക്ക്
അവർ  ഡ്യൂട്ടി ചുമത്തിയിരുന്നു . വലിയ ടെൻഷനും   വാക്കുതർക്കങ്ങളും
ഉണ്ടായിരുന്നു .

ഈ   പീഡനം  കഴിഞ്ഞു   പുറത്തിറങ്ങുമ്പോൾ  ചുമട്ടുതൊഴിലാളികളുടെ
വക  dose കിട്ടും . അന്ന്  പെട്ടികൾക്ക്   wheel  ഇല്ല . തലച്ചുമട്  ആണ്
നാട്ടുനടപ്പ് . അന്ന്  സ്വകാര്യ കാറുകൾ  തീരെയില്ല , അതുകൊണ്ട്  ചുമട്ടു തൊഴിലാളികളെ    ആശ്രയിച്ചേ  പറ്റൂ . ബോംബേയിലും  കൊച്ചിയിലും അവരുടെ  ഒരു  പട  ഉണ്ടായിരുന്നു .ചോദിക്കുന്നത്  കൊടുത്തില്ലെങ്കിൽ
അവർ  ''നാടൻ  ശൈലി '   പ്രയോഗിക്കും . ഇന്ന്   അക്കൂട്ടരെ  മഷിയിട്ടു
നോക്കിയാലും   കാണാനില്ല .

പെട്ടികൾക്കും   ബാഗുകൾക്കും  wheel വെക്കാമെന്ന്   കണ്ടുപിടിച്ച  മഹാൻ
ആരായാലും   അദ്ദേഹത്തിൻറെ  പ്രതിമ   എയർപോർട്ട് കളിൽ   സ്ഥാപിച്ചു
യാത്രക്കാർ   പുഷ്‌പാർച്ചന   നടത്തണം .