ജനപ്രിയ ENGLISH വാക്കുകൾ

ENGISH ഇല്ലാതെ  മലയാളികൾക്ക് ആശയവിനിമയം ഇല്ല. നമ്മൾ എപ്പോഴും ഉപയോഗിക്കുന്ന പല വാക്കുകളും ഇംഗ്ലീഷ് ആണെന്നുപോലും നമ്മൾ ചിന്തിക്കാറില്ല. ഉദാഹരണമായി രാവിലെ എണീറ്റ്‌ toilet /Bathroom ൽ പോകുന്നു. Brush ചെയ്യുന്നു. TV,On ചെയ്യുന്നു. Paper വായിക്കുന്നു. കാർ start ചെയ്യുന്നു. കുട്ടികളെ drop ചെയ്യുന്നു. Car, park ചെയ്യുന്നു.

ഇങ്ങനെ നോക്കിയാൽ ഒരു അവസാനം കാണാൻ ആവുകയില്ല. എല്ലാവരും വളരെ ഹാപ്പിയാണ്‌. സന്തോഷത്തേക്കാൾ ഹാപ്പിയാണ്‌ പ്രിയം. എല്ലാവരും enjoy ചെയ്യാൻ ആഗ്രഹിക്കുന്നു.
ആ പാട്ടിൽ നല്ല feel ഉണ്ട്. Wonderful performance. Absolutely wonderful എന്നും പറയുന്നവർ ഉണ്ട്.

Maximum /മിനിമം എല്ലാവർക്കും ഇഷ്ടമാണ്. Maximum ഒരു ലക്ഷം രൂപാ ചെലവാകും. മിനിമം ആറുമാസം വേണം പണി തീരാൻ.

Actually എല്ലാവരും ഇഷ്ട്ടപ്പെടുന്നു. യഥാർത്ഥത്തിൽ എന്നു പറയുന്നതിനേക്കാൾ എളുപ്പമാണ് actually എന്ന് പറയാൻ.Basically എന്ന് ചിലർ പ്രയോഗിക്കുന്നു.


സാധാരണക്കാരാണ് വാക്കുകൾ നിർഭയം ഉപയോഗിക്കുന്നതും ഉണ്ടാക്കുന്നതും. Post ചെയ്തു എന്നതിന്‌ പകരം "ഞാൻ ഒരു ഫോട്ടോ പോസ്റ്റി " എന്ന് പറയുന്നു. ക്ലിക്കി എന്ന് പറയുന്നു.

Tension ഏറെയുള്ള കാലമാണ് ഇത്‌. " Tension ഒട്ടും വേണ്ടാ. "സ്നേഹമുള്ളവർ പറയും. Tension കൂടിയാൽ സുഗറും pressure ഉം കൂടും. വെറുതെ risk എടുക്കരുത്.

Like, love എന്നിവ എല്ലാവരും like ചെയ്യുന്നു. പക്ഷേ ഇവയ്ക്ക് കടുത്ത ക്ഷാമമാണ്. Love ലേയ്ക്ക് ചവിട്ടുപടിയാണ്  like. ആ കടമ്പ കടക്കാൻ പ്രയാസമാണ്. Facebook ൽ യുവതികൾ എന്തു പോസ്ടിയാലും likes ഏറെ കിട്ടും. Comments ഉം കിട്ടും.

മലയാളം തന്നെ ഉപയോഗിക്കാൻ പത്രക്കാർ പാടുപെടുന്നത് കാണാം. ഉദാഹരണം തീവ്ര പരിചരണ വിഭാഗം. (ICU) ബലാൽസംഗം ( Rape ) " ICU വിൽ admit ചെയ്തു "എന്ന് പറയാൻ എത്ര ഈസി ആണ്. നോ trouble.

കുട്ടി ബലാത്സംഗത്തിന് ഇരയായി എന്ന് പറയുന്നതിനേക്കാൾ എളുപ്പം "കുട്ടിയെ rape ചെയ്തു "എന്നതാണ്.

പറയാനും എഴുതാനും എന്താണോ എളുപ്പം അതാണ്‌  സാധാരണക്കാർ choose ചെയ്യുന്നത്‌. ഇന്ന് വിദ്യാർത്ഥികൾ, ഉദ്യോഗസ്ഥർ എന്നിവരെ മാറ്റി നിറുത്തിയാൽ സാധാരണക്കാർക്ക് എഴുത്തിന്റെ ആവശ്യം വളരെ കുറവാണ്. പറച്ചിൽ എത്ര വേണമെങ്കിലും ആകാം. അല്പം ഇംഗ്ലീഷ് add ചെയ്‌താൽ രുചി കൂടും.

.