ഒരു ഭരണാധികാരി എങ്ങനെ ആയിരിക്കണം ? ( VIEWPOINT )

ഒരു   ഭരണാധികാരി   എങ്ങനെ   ആയിരിക്കണം  എന്നതിന്  ഉദാഹരണങ്ങൾ   കണ്ടുപിടിക്കാൻ   വളരെ  ബുദ്ധിമുട്ടാണ് .പ്രത്യേകിച്ച്

മൂന്നാം  ലോക രാജ്യങ്ങളിൽ . ഒരു   ഭരണാധികാരി  എങ്ങനെ  ആയിരിക്കരുത്  എന്നതിന്   അധികം   തെരയേണ്ടി  വരില്ല . നമ്മുടെ ചുറ്റുവട്ടത്തു തന്നെ    ഉദാഹരണങ്ങൾ  ഏറെ  കിട്ടും .

ഒരു    ഭരണാധികാരി  എങ്ങനെ   ആയിരിക്കരുത്  എന്നതിന്  ഉദാഹരണമാണ്   ദക്ഷിണാഫ്രിക്കൻ   പ്രസിഡന്റ്  ജേക്കബ്  സുമാ .

അദ്ദേഹത്തിന്  എതിരെ    രാജ്യത്ത്  പ്രതിഷേധം  ഇരമ്പുകയാണ് . പക്ഷെ 

സുമയ്ക്ക്    യാതൊരു  കുലുക്കവും ഇല്ല . അദ്ദേഹം  സ്ഥാനം  ഒഴിയണം എന്ന   ആവശ്യം  ഭരണ കക്ഷിയായ  ANC യിൽ   ശക്തമാണ് .എന്നിട്ടും അയാൾ   പാറ പോലെ ഉറച്ചു നിൽക്കുകയാണ് . സുമായുടെ ദുർഭരണത്തിൻ
കീഴിൽ   ദക്ഷിണാഫ്രിക്കയുടെ  സാമ്പത്തിക സ്ഥിതി  ദുർബ്ബലമായിക്കൊണ്ടിരിക്കുകയാണ് . ഈ   അഴിമതി ചക്രവർത്തിയുടെ കീഴിൽ

രാജ്യം   നന്നാവുകയില്ലെന്ന്   എല്ലാവർക്കും  അറിയാം . സ്വാർത്ഥ താല്പര്യത്തിനു വേണ്ടി   സ്വന്തം  രാജ്യത്തെ  ഒറ്റുകൊടുക്കാൻ   ഈ യുദാസിന്  ഒട്ടും   മടിയില്ല .

മഹാനായ   മണ്ടേല ഇരുന്ന   കസേരയിലാണ്    സുമാ ഇരിക്കുന്നത് എന്നത്
വിധിയുടെ   ക്രൂര വിനോദമാണ് . ഒരു നല്ല ഭരണാധികാരി  എന്ന നിലയിൽ
മാതൃക   കാട്ടിയ ,കറതീർന്ന   ജനാധിപത്യവാദി   ആയിരുന്നു  മണ്ടേല . അനുരഞ്ജനത്തിൻറെ  ശൈലി  ആയിരുന്നു   മണ്ടേലയുടേത് . 1994 ൽ
ജനാധിപത്യ ദക്ഷിണാഫ്രിക്കയുടെ  ആദ്യ പ്രസിഡന്റ്  ആയി  അധികാരമേൽക്കുമ്പോൾ  തൻറെ  വൈസ് പ്രസിഡന്റ്  ആയി  തൻറെ
എതിരാളിയും   മുൻ പ്രെസിഡന്റുമായ   ഡി ക്ലെർക്കിനെ  അദ്ദേഹം നിയമിച്ചു .മൂന്നിൽ രണ്ട്   ഭൂരിപക്ഷമുള്ള   ANC ക്ക്   അതിൻറെ  യാതൊരു
ആവശ്യവും  ഇല്ലായിരുന്നു . വേറൊരു  എതിരാളി  ആയിരുന്ന ബുദ്ധ ലേസിക്കു    ആഭ്യന്തര വകുപ്പ്  കൊടുത്തു . എല്ലാവരേയും  ഒന്നിച്ചു നിറുത്തുക  എന്നതായിരുന്നു    മണ്ടേലയുടെ   സ്റ്റൈൽ .

1999 ൽ     സ്ഥാനമൊഴിയുമ്പോൾ   മണ്ടേല  നല്ല   ആരോഗ്യവാനായിരുന്നു . ഒരു  term കൂടി  അദ്ദേഹത്തിന്   അദ്ദേഹത്തിന്   ആകാമായിരുന്നു .പക്ഷെ
പാർട്ടി നിർദ്ദേശമനുസരിച്ചു   അദ്ദേഹം   സ്ഥാനം  ഒഴിയുകയായിരുന്നു .

ജേക്കബ്   സുമയ്ക്കു  ഇത്  രണ്ടാം  term   ആണ് . അഴിമതി ,സ്വജനപക്ഷപാതം , നുണ പറച്ചിൽ  എന്നിവ കൊണ്ട്  സുമാ   ജനങ്ങൾക്ക്
വെറുക്കപ്പെട്ടവനാണ് .

സുമാ  ഒരു   അസാധാരണ   ഏകാധിപതി ആണ് . കൊല്ലും കൊലയും
ഇല്ല . ഖജനാവ്  ചോർത്തിയെടുക്കണം  എന്നതു മാത്രമാണ്  ലക്ഷ്യം .
ഒരു കാര്യത്തിൽ   അദ്ദേഹത്തെ  appreciate ചെയ്യണം .എത്ര പ്രകോപനം
ഉണ്ടായാലും  അദ്ദേഹം   പ്രകോപിതനാവുകയില്ല .നാടൻ ഭാഷ പ്രയോഗിക്കുകയില്ല .കുലുങ്ങി ചിരിക്കുകയേ ഉള്ളൂ .എല്ലാം അപ്പച്ചൻറെ
ഒരു   തമാശ !

എതിർക്കുന്നവരെ    സ്ഥാനങ്ങളിൽ നിന്ന്  പുറത്താക്കുക എന്നതാണ്
സുമായുടെ   സ്റ്റൈൽ . ഉള്ളിൽ  എതിർപ്പ്  ഉണ്ടെങ്കിലും സ്ഥാനം പോകുമെന്ന്  ഭയന്ന്   മന്ത്രിമാർ   സുമയെ  പിന്തുണക്കുകയാണ് .

സുമായും   ശിങ്കിടികളും ചേർന്ന്    ഖജനാവ്  ചോർത്താൻ  നടത്തുന്ന
നീക്കങ്ങൾക്ക്   തടയിട്ട   ,ഇന്ത്യൻ വംശജനായ  ധനമന്ത്രി  പ്രവീൺ ഗോർഡനെ  സുമാ   പുറത്താക്കി . പരിചയ സമ്പന്നനായ   ഗോർഡൻറെ
സ്ഥാനത്തു   Finance ൻറെ ABC    അറിയാത്ത   ഒരു  കുറ്റിച്ചൂലിനെ  നിയമിച്ചു .
ഇക്കാരണത്താൽ   സൗത്ത്  ആഫ്രിക്കൻ Rand ൻറെ   മൂല്യം  ഇടിഞ്ഞു .

കേരളത്തിൽ   സെൻകുമാറിനെ   പുറത്താക്കിയതും   ദക്ഷിണാഫ്രിക്കയിൽ  പ്രവീൺ ഗോർഡനെ   പുറത്താക്കിയതും   ചേർത്തുവെച്ചു   വായിക്കേണ്ടതാണ് . സെൻകുമാർ   പ്രൊഫഷണൽ  ആയി   ജോലി ചെയ്ത
ഓഫീസർ . ഗോർഡൻ    ഫൈനാൻസ് ൽ     ദീർഘ കാല   പരിചയമുള്ള
സാമ്പത്തിക   വിദഗ്ദ്ധൻ . രണ്ടിടത്തും   ഇവരെ വേണ്ടാ .കുറ്റി ചൂലുകളെ
മതി .

സൽഭരണത്തിന്റെ   കാര്യത്തിൽ   ഭാരതീയർ  വിദേശത്തേക്ക്  നോക്കേണ്ട
ആവശ്യമില്ല . അശോക ചക്രവർത്തി  ഒരു  നല്ല  ഭരണാധികാരിയുടെ  മാതൃക കാണിച്ചു തന്നിട്ടുണ്ട് . അതുകൊണ്ടാണ്   അശോക സ്തംഭം
നമ്മുടെ    ദേശീയ ചിഹ്നമായിട്ടുള്ളത് . അശോകൻ   കലിംഗ യുദ്ധത്തിൽ
ജയിച്ചുവെങ്കിലും   ആ   യുദ്ധം  മൂലം  കലിംഗ ജനതക്കുണ്ടായ    യാതനകൾ
കണ്ട്‌   പശ്ചാത്തപിച്ച   അദ്ദേഹം  അക്രമം  ഉപേക്ഷിച്ചു  ജനസേവനത്തിനായി   ജീവിത ശിഷ്ടം  ഉഴിഞ്ഞുവെച്ചു . ജനങ്ങളെ  സ്വന്തം
മക്കളായിട്ടാണ്   അദ്ദേഹം   കണ്ടത് . എല്ലാവരേയും   സ്നേഹിക്കുന്നവൻ
എന്ന്  അർത്ഥം  വരുന്ന  'പ്രിയദർശൻ 'എന്ന  പേരും  അദ്ദേഹത്തിന്  ഉണ്ടായിരുന്നു .