RETIREMENT ചിന്തകൾ

ഡീലറെവില്ലെയിൽ   ഇന്ത്യൻ ഉടമസ്ഥതയിലുള്ള  CHOPPIES  supermarket ൽ
നിന്ന്   ചില്ലറ സാധനങ്ങൾ  വാങ്ങി . ഇവയിൽ പ്രധാനം  പിഞ്ചു വെണ്ടക്കയാണ് .ഇക്കൊല്ലം    മഴ തകർത്തു പെയ്തതിനാൽ   പച്ചക്കറികൾക്കെല്ലാം   കുത്തനെ വിലയിടിഞ്ഞു . സവോള ,ബീൻസ് ,മുതലായവയ്ക്ക്   നനഞ്ഞു കുതിർന്ന  വിലയാണ് . കേരളത്തിൽ  എപ്പോഴും  തീ   പിടിച്ച  വിലയാണ് .

തീ പിടിച്ച  എന്നതിൻറെ    വിപരീതപദം   നനഞ്ഞു  കുതിർന്ന   എന്ന്   ആയിരിക്കണമല്ലോ .ഈയിടെ  ഒരു  ബക്കിയിൽ
ചിലർ   avocado    വിൽക്കുന്നത്   കണ്ടു . ഒരു   തേങ്ങയുടെ  വലിപ്പമുണ്ട് . നനഞ്ഞ    വിലയാണ് . വെറും   6  rand .

ഷോപ്പിംഗ്   കഴിഞ്ഞു   കാർ   പാർക്ക്  ചെയ്ത ഭാഗത്തേയ്ക്ക്   നടന്നു .ഞെട്ടി തരിച്ചുപോയി . ആടു കിടന്നിടത്തു    പൂടപോലുമില്ല   എന്ന്   പറഞ്ഞതുപോലെ   കാർ  അവിടെയില്ല .കർത്താവെ ചതിച്ചോ ? പോക്കറ്റ് ൽ
key   തപ്പി നോക്കി . അതും  ഇല്ല .അപ്പോഴാണ്  ഒരു  കാര്യം  ഓർത്തത് . കാർ
വിറ്റുപോയി . ഇന്നലെയാണ്   കാർ  കൊണ്ടുപോയത് ! ഭാഗ്യവശാൽ   വീട്
അടുത്താണ് . 6  മിനിറ്റ്   നടന്നാൽ   മതി .

കാർ   വിറ്റുപോയെങ്കിലും   പോക്കറ്റ് ൽ   ഒരു  കീ വേണം .   19 80 മുതൽ
ഇത്  ശീലമാണ് . കീ   പോക്കറ്റ് ൽ   ഇല്ലെങ്കിൽ   ഒരു   അസ്വസ്ഥത  ആണ് .
drug  addicts ന്     സമയത്തു്  drug കഴിച്ചില്ലെങ്കിൽ   വിഭ്രാന്തി ഉണ്ടാകും . അതുപോലെ  . ഭാഗ്യവശാൽ  പണ്ട് വിറ്റ  ഒരു  കാറിൻറെ  spare key കിട്ടി .ഇനി
പുതിയ   കാർ  വാങ്ങുന്നതുവരെ  ഈ കീ  പോക്കറ്റിൽ   ഉണ്ടായിരിക്കും .

പണ്ട്  KSRTC   ബസ്സിൽ   'വൃദ്ധർ '' വികലാംഗർ   എന്നിങ്ങനെ   സീറ്റ്  ഒഴിച്ചിട്ടിരുന്നു . ഇപ്പോൾ   വൃദ്ധർ  എന്ന്   കാണാനില്ല . മുതിർന്ന  പൗരൻ
എന്നാണ് . ഇതിലെ   irony   എന്താന്നു  വെച്ചാൽ   ബസ്സിൽ  ഉള്ള  യാത്രക്കാരിൽ    അനേകം മുതിർന്ന   പൗരർ  ഉണ്ട് . ഒരു  സീറ്റ്   മാറ്റി വെച്ചിരിക്കുന്നത്   വളരെയേറെ    പ്രായം  കൂടിയ  ആൾ ക്കു  വേണ്ടി
ആയിരിക്കാം . അപ്പോൾ   മുതിർന്ന   പൗരൻ  എന്നത്   തിരുത്തി മുതു മുതിർന്ന  പൗരൻ   എന്നാക്കണം . 80   and  above . പൗരൻ  എന്നതിന്റെ
female    പൗരി   ആണോ ? ഇങ്ങനെ   ഭാഷാപരമായ  സംശയങ്ങൾ  എന്നെ
അലട്ടാൻ    തുടങ്ങിയിട്ട്  ഏറെക്കാലമായി . അടുത്തയാഴ്ച   അക്ഷരനഗരിയിൽ    താമസമാക്കുമ്പോൾ  ഇതിന്   ഒരു  പരിഹാരം  കണ്ടെത്താമെന്ന   പ്രതീക്ഷയിലാണ് .

റിട്ടയർ   ചെയ്ത   ഒരാളായി  എനിക്ക്    ഇതുവരെ   തോന്നിയിട്ടില്ല . ഇതിൻറെ
കാരണം    ഞാൻ  എട്ടു പേരിൽ  ഏറ്റവും  ഇളയ  ആൾ  ആയതുകൊണ്ടാണ് ,എട്ടുപേരിൽ  രണ്ടുപേർ മരിച്ചു പോയി , ബാക്കിയുള്ളവർ   യഥാക്രമം  താഴോട്ട്  86 ,82 , 76 , 74 , 70 , 6 8    എന്ന    ക്രമത്തിലാണ് . മൂത്തവരുടെ   അടുത്തു
ചെല്ലുമ്പോൾ   ഞാൻ  ചെറിയ  കുട്ടിയാണ് . അവർക്ക്  ഇങ്ങോട്ടും  അങ്ങനെ
തന്നെ . പണ്ടത്തെ    വലിയ   കുടുംബങ്ങളിൽ  ഉള്ളവർക്കുള്ള   ഒരു  ഭാഗ്യമാണ്   ഇത് . ഒരേ    സമയം    മുതിർന്ന  പൗരൻ  ആയിരിക്കാനും
കൊച്ചുകുട്ടി  ആയിരിക്കാനും  ഉള്ള   ഭാഗ്യം .എടാ പോടാ  വിളികൾ   കേൾക്കാനുള്ള   ഭാഗ്യം .