COUNT DOWN ..5 ,4 ,3 ..2 1 .. ..( അനുഭവങ്ങൾ )

ഇന്നത്തെ   കാലത്തു  ഏതു  കാര്യം   കഴിഞ്ഞാലും   Rating  ചോദിക്കുന്ന  പതിവുണ്ട് . Excellent ,very good ,good , satisfied , poor ,very poor  എന്നൊക്കെ .
സൗത്ത്  ആഫ്രിക്കയെപ്പറ്റി    rating ചോദിച്ചാൽ   ഞാൻ   Excellent button   അമർത്തും .

ഒത്തിരി പ്രശ്നങ്ങൾ  ഉള്ള രാജ്യമാണ് . ക്രൈം , അഴിമതി , തൊഴിലില്ലായ്മ ,വിലക്കയറ്റം   മുതലായ  പ്രശ്നങ്ങൾ   ഉണ്ട്. ഈ  പ്രശ്നങ്ങൾ   കാരണം  ലക്ഷക്കണക്കിന്  ആളുകൾ   മെച്ചപ്പെട്ട  രാജ്യങ്ങളിലേക്ക്  കുടിയേറിയിട്ടുണ്ട് .അപ്പോൾ  പിന്നെ   എങ്ങനെയാണ്   സൗത്ത്   ആഫ്രിക്കക്ക്  Excellent   കൊടുക്കുക ?

ഈ   പ്രശ്നങ്ങളെ  എല്ലാം  neutralize  ചെയ്യുന്ന വിധം    സാധാരണക്കാരായ  ബഹുഭൂരിപക്ഷം  കാണിക്കുന്ന   സന്മനസ്സും   സ്നേഹവും  സഹകരണവും
ബഹുമാനവുമാണ്  Excellent  കൊടുക്കാൻ   കാരണം . ഞങ്ങൾ  താമസിക്കുന്ന  ഈ   പ്രദേശത്തെ   ജനങ്ങൾ   വളരെ  നല്ലവരാണ് . അവർ സ്നേഹവും
ബഹുമാനവും  ഉള്ളവരാണ് . politeness ഉം   ഉണ്ട് , politeness ൻറെ  തുല്യമായ  മലയാള വാക്ക്   അറിഞ്ഞുകൂടാ .ഭവ്യത  ആണോ  എന്തോ ! കേരളത്തിൽ  സെക്രട്ടേറിയറ്റ് ലും   മറ്റും   മലയാളം  വളരെ  ശക്തമാക്കാൻ  പോവുകയാണ് . വളരെ  നല്ല  കാര്യമാണ് . ഭാഷ   ഏതായാലും  politeness ഉം
ബഹുമാനവും  ആണ് പ്രധാനം .സൗത്ത്   ആഫ്രിക്കയിൽ  ഇത്  വളരെ
പ്രകടമാണ് . രാവിലെ  നടക്കാൻ  പോകുമ്പോൾ  എ തിരെ  വരുന്ന  അപരിചിതർ  greet ചെയ്യുമ്പോൾ  ഞാൻ  അത്ഭുതപ്പെടാറുണ്ട് . സാധാരണക്കാരായ  ജനങ്ങൾ  ഇങ്ങോട്ട് കാര്യങ്ങൾ ചോദിച്ചു  പരിചയപ്പെടാറുണ്ട് . ആരെയെങ്കിലും   അവഗണിക്കുന്ന   ഒരു  രീതി
ഇവിടെ   കണ്ടിട്ടില്ല .

ധാരാളം പണവും  ജീവിതസൗകര്യങ്ങളും  ഉണ്ടെങ്കിലും നമ്മളോട്  സ്നേഹത്തോടെ  രണ്ടു വാക്ക്  പറയാൻ  ആരും  ഇല്ലെങ്കിൽ ''നിശ്ചലം
ശൂന്യമീ ലോകം ''. Delareyville എന്ന  ഈ ചെറിയ ടൗണിൽ ഞങ്ങൾ  ആകെ
നാല്   മലയാളികളാണ്  ഉള്ളത് .എന്നാൽ   മറ്റു മലയാളികൾ   ഇല്ലാത്തതിന്റെ
ഒരു  കുറവ്   ഒരിക്കലും  അനുഭവപ്പെട്ടിട്ടില്ല . ആഫ്രിക്കരിൽ  കുടികൊള്ളുന്ന   അടിസ്ഥാനപരമായ   മനുഷ്യത്വമാണ് (humanity ) ആണ്
ഇതിന്   കാരണം ,ദക്ഷിണാഫ്രിക്കയിൽ   ഇതിനെ  Ubuntu  എന്ന്  പറയുന്നു .


Communicate ചെയ്യുന്നതിൽ    ആഫ്രിക്കർ ക്ക്    ഒട്ടും  പിശുക്കില്ല . ടൗണിലേയ്ക്ക്  ചെന്നാൽ  പരിചയക്കാർക്ക്  ഒരു കുറവും  ഇല്ല .അവരൊക്കെ  കുശലം  പറയും . പൂർവ്വ വിദ്യാർത്ഥികളെ  നിത്യവും
കണ്ടുമുട്ടാറുണ്ട് . അവരിൽ  പലരും ഉയർന്ന  ജോലി  ഉള്ളവർ  ആണ് .
അവർ   എപ്പോഴും  പറയുന്ന  ഒരു  കാര്യമുണ്ട് .'' സാറ്  പഠിപ്പിച്ചതു കൊണ്ടാണ് ഞാൻ  ഒരു  നല്ല നിലയിൽ എത്തിയത് ,"'  എന്നെ  മാത്രമാണ്
കണ്ടുമുട്ടുന്നതെങ്കിൽ   അവർ  എല്ലാവരും ഒരു പോലെ ചോദിക്കും . "Mrs ,കുരിയൻ  എന്തെടുക്കുന്നു ? എൻറെ  greetings   അറിയിക്കണം .'' സോഷ്യൽ
മീഡിയയിലൂടെ   അനേകം  പൂർവ്വ വിദ്യാത്ഥികൾ   contact ചെയ്യാറുണ്ട് .

കഴിഞ്ഞയാഴ്ച   ഒരു  വിദ്യാർത്ഥി  വഴിയിൽ  തടഞ്ഞു നിറുത്തി  കുറെ
നേരം   സംസാരിച്ചു .അവൻ  ജൂലിയസ് സീസർ  നാടകത്തിൽ  നിന്ന്
കുറെ  വാചകങ്ങൾ  quote ചെയ്ത്   എന്നെ  അത്ഭുതപ്പെടുത്തി . ഞാൻ
പണ്ടേ   മറന്നതാണ് .

ശനിയാഴ്ച  പോസ്റ്റ് ഓഫീസിൽ ചെന്നപ്പോൾ   അവിടെയുള്ള   ഒരു
യുവതി  പറഞ്ഞു .''സർ ,ഇന്ന്  എൻറെ  അവസാനത്തെ   ദിവസമാണ് .എനിക്ക്  transfer  ആണ് .''   ''ഞാനും  ഇവിടെ നിന്ന്   പോവുകയാണ് .''
ഞങ്ങൾ  2 മിനിറ്റ്‌   സംസാരിച്ചു ,

ഞായറാഴ്ച   കുർബ്ബാന  കഴിഞ്ഞു   വികാരി   Fr ;Hollander  ഞങ്ങൾ
പോകുന്ന   കാര്യം  പറഞ്ഞു ,അംഗങ്ങൾ   അധികം ഇല്ലാത്ത  ഇടവകയാണ് .
എല്ലാവർക്കും   ദീർഘകാലമായി  പരസ്പരം അറിയാം .കുടുംബ കാര്യങ്ങൾ
അന്വേഷിക്കുന്നവരാണ് . മറുപടിയായി  ഞാൻ  നന്ദി  പറഞ്ഞു . എല്ലാവർക്കും   വളരെ   വിഷമം   ആയിരുന്നു .

ഞാൻ   സ്ഥിരമായി   പെട്രോൾ  നിറയ്ക്കുന്നത്  ഒരേ സ്റ്റേഷൻ ൽ   ആണ് .
അവിടത്തെ   തൊഴിലാളികൾ  എല്ലാ കാര്യങ്ങളും  അന്വേഷിക്കും .ഫുൾ ടാങ്ക്  അടിക്കുന്നവർക്ക്    incentive  ആയിട്ട്   ഒരു can  soft drink  തരും .ഞാൻ
അത്  ജീവനക്കാരനു  കൊടുക്കും . ഞാൻ  പതിവിന്  വിരുദ്ധമായി  ഇന്നലെ
ഫുൾ   അടിച്ചില്ല . കാരണം   കാർ  വിറ്റു പോയി . ഒരു  ജീവനക്കാരൻ  wind സ്ക്രീൻ  wipe  ചെയ്ത്  clean ചെയ്യാൻ  തുടങ്ങി .'' വേണ്ടാ ,ഞാൻ  വീട്ടിൽ  കഴുകിക്കോളാം .ഞാൻ  ഇനി  ഈ  വഴി  വരില്ല .'' ഞാൻ  പറഞു . ആ  യുവാവിന്   വളരെ   വിഷമം  തോന്നി .

ബാങ്ക്  കാര്യങ്ങളിൽ   വളരെ  നല്ല   സേവനമാണ്  ലഭിക്കുന്നത് . ഇന്ന്
എല്ലാ   കാര്യങ്ങളും  ഓൺലൈൻ  ആണല്ലോ , ചിലപ്പോൾ manual ലും
ആകാം , ഈയിടെ  ഒരു ബാങ്കിൽ  EFT ക്ക് പോയി . അവിടെ  രണ്ടു യുവതികളാണ്  Forex ൽ ഉള്ളത് . വളരെ  പ്രൊഫഷണൽ  ആയിട്ടാണ്
അവർ  കാര്യങ്ങൾ ചെയ്യുന്നത് .അഞ്ചാറു  വർഷമായി പരിചയമുണ്ട് .പത്തു
മിനിറ്റു കൊണ്ട് കാര്യം കഴിഞ്ഞു . അവസാനം  മുതിർന്ന യുവതി പറഞ്ഞു .
'' ഈ  മാസം  ഒടുവിൽ  ഞാൻ  ട്രാൻസ്ഫർ  ആയി  പോവുകയാണ് .'' ഞങ്ങൾ
അവരുടെ  ഉന്നത  നിലവാരത്തെ  appreciate ചെയ്‌ത്‌   നന്ദി പറഞ്ഞു .

ജീവിതം  ഒരു  നീണ്ട  sentence  പോലെയാണ് . sentence ൽ punctuation പോലെയാണ്  കൊച്ചു കൊച്ചു കണ്ടുമുട്ടലുകളും  നല്ല വാക്കുകളും . punctuation  ഉണ്ടെങ്കിൽ  ഒരു sentence ന് ഭംഗിയുണ്ട് .വ്യക്തതയുണ്ട് ,പൂർണ്ണതയുണ്ട് .
punctuation ഇല്ലാത്ത  sentence അവ്യക്തമാണ് . ബോറിംഗ്   ആണ് . ആഫ്രിക്കക്കാർ   punctuation ഉള്ളവരാണ് .

1989 ൽ     ഞങ്ങൾ  Transkei യിലേക്ക്   പോകുമ്പോൾ   വഴി തെറ്റി Bloemfontein
സിറ്റിയിൽ   കയറി . കുറെ  കറങ്ങിയിട്ടും   പോകേണ്ട റോഡ്  കണ്ടു പിടിക്കാനായില്ല . ഒരു വെള്ളക്കാരനോട്   വഴി ചോദിച്ചു .അയാൾ
അധികമൊന്നും   പറഞ്ഞില്ല . '' Follow my  car '' എന്നു മാത്രം   പറഞ്ഞു .
ഏകദേശം  മൂന്ന് Kms  അയാൾ  കാറോടിച്ചു  വഴി  കാണിച്ചുതന്നു .

സൗത്ത്  ആഫ്രിക്കക്കാർ  അങ്ങനെയാണ് !