പൈക കുറിപ്പുകൾ -2

ഗതാഗത സൗകര്യങ്ങളുടെ കാര്യത്തിൽ കോട്ടയം ജില്ലയ്ക്ക് പത്തിൽ എട്ട് കൊടുക്കുന്നതിൽ തെറ്റില്ല. റോഡുകൾ കണ്ടിടത്തോളം മെച്ചപ്പെട്ടതാണ്. പ്രത്യേകിച്ചു പാലാ-പൊൻകുന്നം വഴി കടന്നു പോകുന്ന ഹൈവേ. ഇത് ലോകനിലവാരം ഉള്ളതാണ്. പാലായിൽ നിന്ന് പൈകയിൽ എത്താൻ ഏതാനും മിനിറ്റുകൾ മതി. ബസ്സുകൾ
എപ്പോഴും ഉണ്ട്. അവയിൽ ഒഴിഞ്ഞ സീറ്റുകൾ ധാരാളം.
കോട്ടയത്ത് ആണ് താമസമെങ്കിലും എൻറെ പ്രവർത്തന മേഖല
പൈക യിൽ ആണ്.പ്രവർത്തന മേഖല എന്നുവെച്ചാൽ ആന ക്കാര്യം ഒന്നുമല്ല. കുറെ സ്ഥലം ഉള്ളിടത്തു പുല്ലും വള്ളിച്ചെടികളും
പറിച്ചു മാറ്റുക, കാടു പിടിച്ചു കിടക്കുന്ന ഇടങ്ങൾ വെട്ടി നിരപ്പ്ആക്കുക മുതലയവയാണ് activities.

കഴിഞ്ഞ കൊല്ലം ജൂണിൽ കുറെ തൈകൾ നട്ടിരുന്നു. ഒരു  തൊഴിലാളിയുടെ കൂടെ മഴയത്താ ണ് നട്ടത്. അത്‌ വളരെ രസകരമായ ഒരു അനുഭവം ആയിരുന്നു. അതിലേറെ രസകരമാണ്
ഇപ്പോൾ അവയുടെ വളർച്ചയെ വിലയിരുത്തുന്നത്. തെങ്ങു പരാജയപ്പെട്ടു. എന്നാൽ മാവും പ്ലാവും പേര യും ജാതിയും
ഒക്കെ വാശിയോടെ വളരുന്നു.

ഞങ്ങളുടെ കുടുംബവക സ്ഥലം ഒരു plaetau പോലെയാണ്.
ഒരു വലിയ കുന്നു കയറി ചെന്നാൽ സമതലമാണ്. അവിടെ നിന്നാൽ പൂഞ്ഞാർ മലകൾ കാണാം. അധികമാരും ചെല്ലാത്ത
ഇടമാണ് കുന്നിന്റെ മുകൾ ഭാഗം. റബ്ബറിന്റെ slaughter ടാപ്പിംഗ്
പോലും ആദായകരമല്ല. അതുകൊണ്ട് അവിടം കുറേ കാലമായി
അവഗണിച്ചിരിക്കുകയായിരുന്നു.ഒരു blessing in disguise പോലെ
മറ്റു മരങ്ങൾക്ക് തല പൊക്കാൻ ഒരു അവസരം കിട്ടിയിരിക്കുന്നു.
കുറുക്കനും കാട്ടുമുയലും ഇവിടെ എവിടെയോ ഒളിച്ചു താമസിക്കുന്നുണ്ട്. വളരെ വിജനമായ പ്രദേശമാണ്. പ്ലാവ്, മാവ്, പുളി,കുടപ്പന, ആഞ്ഞിലി, ഈ ന്തു മുതലയവ ഉണ്ട്. ഇല്ലികൾ ഉണ്ട്.
മരങ്ങളിൽ ധാരാളം orchids ഉണ്ട്.

ഒരു പ്ലാവിലെ ചക്ക മുഴുവൻ പഴുത്തു വീണു ചീഞ്ഞു കുരു ചിതറി കിടക്കുന്നു.മാമ്പഴത്തിന്റെ കാര്യവും അങ്ങനെ തന്നെ.ചീവീടുകളുടെയും ചില പക്ഷികളുടെയും ശബ്ദം അല്ലാതെ
പൂർണ്ണ നിശ്ശബ്ദതയാണ്.പറമ്പുകൾ യോജിക്കുന്നിടത്തു നിൽക്കുന്ന
ഇല്ലിക്കൂട്ടം ഗംഭീരമാണ്. മഞ്ഞ ഇല്ലിയുടെ ചുവടുഭാഗത്തുള്ള പച്ച വരകൾ ഏതോ artist വരച്ചത് പോലെ തോന്നും.

ഇന്ന് വളരെ അപൂർവ്വമായി കാണുന്നവയാണ് കുടപ്പനയും ഈന്തും. ഈ പറമ്പിൽ ഒരു പനയും ഒരു ഈന്തും വളർന്നു വരുന്നു.
പണ്ടു പണ്ട് ഇവ ധാരാളം ഉണ്ടായിരുന്നു.1950കളിൽ പുര മേയാൻ
പനയോല യാണ് ഉപയോഗിച്ചിരുന്നത്. പുതിയ ഓല കൊണ്ട് മേഞ്ഞു കഴിയുമ്പോൾ ഉള്ള Ac. effect ഇന്നും ഓർമ്മയുണ്ട്. പനയുടെ ഉൾഭാഗം ഇടിച്ചു പനം പൊടി എടുത്തു അട, കുറുക്കു
മുതലായവ ഉണ്ടാക്കിയിരുന്നു.1965ൽ കേരളത്തിൽ ഒരു ഭക്ഷ്യക്ഷാമം ഉണ്ടായി. അന്ന് പനയും ഈന്തും സഹായത്തിന് എത്തി. പന ഇടിക്കാൻ ഞാനും കൂടിയതാണ്.

ഈ ന്തു കാണാൻ മനോഹരമാണ് .ഈ ന്ത ങ്ങയുടെ പൊടി
പുട്ട്, കുറുക്കു മുതലയവയ്ക്ക് കൊള്ളാം.
ഈ പറമ്പിന്റെ ഒരു മൂലയിൽ പണ്ട് ഒരു മാവും പുളിയും
പ്ലാവും മുട്ടിയുരുമ്മി നിന്നിരുന്നു.കാറ്റത്തു ശിഖരങ്ങൾ തമ്മിൽ
ഉ രയുമ്പോൾ ഉണ്ടാകുന്ന "കിർ കിർ" ശബ്ദം ഇപ്പോഴും കേട്ടതുപോലെ തോന്നി. പുളിമരത്തിൽ ക്കൂടി  മാവിന്റെ മണ്ടയിൽ കയറി മാമ്പഴം പറിച്ചു ,അവിടെ ഇരുന്ന് തിന്നുകയായിരുന്നു രസം.

ഓർമ്മകൾ പുതുക്കി കുന്നിറങ്ങുമ്പോൾ മുള്ളുകൾ കൊണ്ട്‌
ഉണ്ടായ നീറ്റലുകൾ feel ചെയ്തില്ല.