രാവിലെ പത്രക്കാരൻ പത്രം വലിച്ചെറിഞ്ഞ കൂട്ടത്തിൽ ഒരു notice ഉണ്ടായിരുന്നു. " പൈക നരിതൂക്കിൽ നഴ്സറിയിൽ വമ്പിച്ച ആദായ വിൽപ്പന " എന്നാണ് തലക്കെട്ട്. " വമ്പിച്ച കിഴിവ് എല്ലാത്തരം രാഷ്ട്രീയ ചെടികൾക്കും ' എന്ന് വിശദീകരണവും വിവരണങ്ങളും.
റബ്ബറിന് പുല്ലുവില പോലും ഇല്ലാത്ത കാലം. റബ്ബർ വെട്ടി കളഞ്ഞിട്ട്‌ എന്തെങ്കിലും മരം വെച്ചാൽ അൽപ്പം തണൽ എങ്കിലും കിട്ടുമല്ലോ എന്ന് ചിന്തിച്ചു ഇരിക്കുമ്പോഴാണ് ഈ പരസ്യം കണ്ടത്. ഹാവൂ, തേടിയ വള്ളി കാലിൽ ചുറ്റി.
പാലാ -പൊൻകുന്നം റോഡിൽ പതിമൂന്നു മുറി കഴിഞ്ഞു ഒരു km കഴിഞ്ഞാൽ രണ്ടേക്കറിൽ പരന്നു കിടക്കുന്നതാണ് നരിതൂക്കിൽ രാഷ്ട്രീയ നേഴ്സറി. രാഷ്ട്രീയ റൈഫിൾസ് എന്ന് പറയുന്നതുപോലെ. നഴ്സറിയുടെ പുറകുവശത്തു ഞെങ്ങി ഞെരുങ്ങി ഇഴയുന്ന പൈക തോട്. പണ്ട് ഈ തോടിന് 30 അടി വീതി ഉണ്ടായിരുന്നു. ദീർഘ കാലത്തെ ജന പങ്കാളിത്തം കൊണ്ട് ഇത് പത്തു അടിയായി ചുരുങ്ങി. ജനപങ്കാളിത്തം എന്നു പറഞ്ഞാൽ ജനങ്ങൾ തോന്നിയ പോലെ സ്ഥലം കയ്യേറി മതിലുകെട്ടി സ്വന്തമാക്കുന്ന നാട്ടുനടപ്പാണ്.
രാവിലെ തന്നെ നഴ്സറിയിലേയ്ക്ക് തിരിച്ചു. കിഴിവ് കേട്ടറിഞ്ഞ
കുറെ ആളുകൾ അവിടെ എത്തിയിരുന്നു. ബെന്നി എന്ന ചെറുപ്പക്കാരൻറെ ഉടമസ്ഥതയിൽ ഉള്ളതാണ് നേഴ്സറി. അദ്ധ്വാന ശീലനായ ആ നാല്പതുകാരൻ ഓടിനടന്ന് ചെടികളുടെ ഗുണങ്ങൾ വിവരിക്കുകയും ആവശ്യക്കാർ ചൂണ്ടി കാണിക്കുന്ന തൈകൾ എടുത്തു മാറ്റി വെക്കുകയും ചെയ്ത് വളരെ busy ആയിരുന്നു. രണ്ടാളുടെ പണി പണിയുന്നവനാണ് ബെന്നി. കിളിക്കൂട് പോലെ ഒരു ഓഫീസ് ഉണ്ട്. പണം കണക്കുകൂട്ടി വാങ്ങി receipt കൊടുക്കാൻ മാത്രമേ ബെന്നി അവിടെ കയറാറുള്ളൂ. ബാക്കി സമയം കഠിനമായ അദ്ധ്വാനം.ചെളി പറ്റിയ ഒരു പഴഞ്ചൻ നോക്കിയ ഉണ്ട് ദൂര സ്ഥലങ്ങളിൽ ഉള്ള customers നോട് സംസാരിക്കാൻ.
സ്ഥാനമൊഴിഞ്ഞ ബെനഡിക്ട് മാർപ്പാപ്പയെ പോലെ മൃദുവായി സംസാരിക്കുന്ന ആളാണ്‌ ബെന്നി. മഞ്ജുഭാഷണൻ എന്നു വേണമെങ്കിൽ പറയാം. എന്നെ കണ്ട പാടെ അവൻ ഓടിവന്നു സ്വീകരിച്ചു.
"ഒന്നാന്തരം തൈകൾ ഉണ്ട് സാറേ. ഏതൊക്കെയാ വേണ്ടത് ?" ബെന്നി ചോദിച്ചു.
"അങ്ങനെ പ്രത്യേകിച്ച് ഒന്നുമില്ല. നല്ല തണൽ ഉള്ള മരമാണ് വേണ്ടത് "
"എന്നാൽ സിപിഎം പൊങ്ങല്യം നോക്കാം. നല്ല തണൽ തരും. "
ബെന്നി കുറെ സിപിഎം തൈകൾ കാണിച്ചു തന്നു
അവർക്ക് പൊങ്ങച്ചം കൂടുതലാണ്. അതുകൊണ്ടാണ് പൊങ്ങല്യം എന്നു പറയുന്നത്. പാഴ് തടിയാണ്. കട്ടിൽ പണിയാൻ കൊള്ളാം. പിന്നെ ഒരു പൊങ്ങല്യം എടുത്താൽ പത്തു CPI കാനവാഴ ഫ്രീയാണ്. കാര്യം പിടി കിട്ടിയല്ലോ. "
എന്നാൽ ഒരു തൈ മാറ്റിവെക്കൂ.
അടുത്തതായി പോയത് Kerala Congress Section ലെയ്‌ക്കാണ്‌. പല തരം ചെടികൾ. എ തൊട്ട് Z വരെ. നല്ല ഇലവിരിവുള്ള ഒരു കേരള Congress ( M) തൈ ഞാൻ സെലക്ട് ചെയ്ത് മാറ്റി വെച്ചു. ബെന്നി എന്നെ മാറ്റിനിറുത്തി ഇങ്ങനെ മൊഴിഞ്ഞു.
" സാറിനോട് ആയതുകൊണ്ട് ഒരു കാര്യം ഞാൻ പറയാം. ഈ തൈ വാങ്ങുന്നത് risk ആണ്. പിളർപ്പ്‌ രോഗമാണ് എല്ലാത്തിനും. വെറുതെ കാശ് കളയണ്ട. നല്ല ഉയരത്തിൽ വളരും. പക്ഷേ ഏതു സമയത്തും നടുവേ പിളർന്ന് താഴെ വീഴും. "
അടുത്തതായി ബെന്നി എന്നെ കൊണ്ടു പോയത് " അലവലാദികൾ ' എന്ന Section ലെയ്‌ക്കാണ്‌. ഇലയ്ക്ക് വാട്ടം ഉള്ള , കാണാൻ ഭംഗിയില്ലാത്ത കുറ്റി ചെടികൾ. NCp, ജനതാ ദൾ, ആം ആദ്മി, BSP, SP, DMK മുതലായ ചെടികൾ.
" ചുമ്മാ കൊടുക്കാമെന്നു പറഞ്ഞാലും ഒരു പട്ടിക്കുപോലും ഈ തൈകൾ വേണ്ടാ. " ബെന്നി പറഞ്ഞു.
അടുത്ത SECTION ആയ BJP ചെടികളാണ് ബെന്നി കാണിച്ചു തന്നത്. കാഴ്ചയിൽ ജാതി പോലെ ഇരിക്കും .
" ഒരു വിധം നന്നായി വളരും. പൂക്കും. പക്ഷേ കായ് ചെറുതിലേ വാടി വീഴും. അതാണ്‌ BJP ചെടികളുടെ പ്രശ്നം. "
" സാറിൻറെ പറമ്പിൽ കശുമാവ് ഉണ്ടോ ?ഉണ്ടെങ്കിൽ ഒരു വള്ളിച്ചെടി എടുത്തോ. കശുമാവിൽ ചുറ്റി കയറുന്ന RSP വള്ളിച്ചെടി. രണ്ട് തരമുണ്ട്. KERALA VARIETY യും ബംഗാൾ VARIETY യും. "
"വേണ്ടാ ബെന്നീ " ഞാൻ പറഞ്ഞു.
" എന്നാൽ നമുക്ക് CONGRESS തൈകൾ നോക്കാം. " ഞങ്ങൾ Congress section ലേയ്ക്ക് നടന്നു. അൽപ്പം മുരടിപ്പ് ഉള്ള തൈകൾ ആണ്. ഇലകളിൽ ഏതോ പൂപ്പൽ. ഉമ്മൻ ചാണ്ടി, സുധീരൻ, ആന്റണി, മുരളീധരൻ, തിരുവഞ്ചൂർ മുതലായ തൈകൾ.
" പണ്ട് നല്ല ഡിമാൻഡ് ആയിരുന്നു. ഗ്രൂപ്പിസം fungus പടർന്നതിനു ശേഷം പൊതുവേ മാന്ദ്യത ആണ്. "
കൂട്ടത്തിൽ പൊക്കം കുറഞ്, പച്ചപ്പ്‌ കൂടുതലുള്ള ഒരു തൈ ചൂണ്ടിക്കാണിച്ചു ബെന്നി പറഞ്ഞു.
" കുള്ളൻ variety ആണ്. ഉള്ളതിൽ മെച്ചമാണ്. ഇക്കൊല്ലം നട്ടാൽ
2021ൽ കാ പറിക്കാം. Value for money. ഇതിൻറെ പേര് ചെന്നിത്തല. ഉഗ്രനാണ്. ഒട്ടും അമാന്തിക്കാതെ സാർ വാങ്ങിക്കോ. ഞാൻ guarantee തരാം. "
ബെന്നി ഒരു ചെന്നിത്തല തൈ മാറ്റിവെച്ചു. ഓഫീസിൽ പോയി
പണം കൊടുത്തു് രസീത് വാങ്ങി.
ചെന്നിത്തല തൈ ഒരു ഓട്ടോയിൽ കയറ്റി വീട്ടിലെത്തിച്ചു. ഒരു നല്ല ദിവസത്തിൻറെ ശുഭ സമാപ്തി.
റബ്ബറിന് പുല്ലുവില പോലും ഇല്ലാത്ത കാലം. റബ്ബർ വെട്ടി കളഞ്ഞിട്ട്‌ എന്തെങ്കിലും മരം വെച്ചാൽ അൽപ്പം തണൽ എങ്കിലും കിട്ടുമല്ലോ എന്ന് ചിന്തിച്ചു ഇരിക്കുമ്പോഴാണ് ഈ പരസ്യം കണ്ടത്. ഹാവൂ, തേടിയ വള്ളി കാലിൽ ചുറ്റി.
പാലാ -പൊൻകുന്നം റോഡിൽ പതിമൂന്നു മുറി കഴിഞ്ഞു ഒരു km കഴിഞ്ഞാൽ രണ്ടേക്കറിൽ പരന്നു കിടക്കുന്നതാണ് നരിതൂക്കിൽ രാഷ്ട്രീയ നേഴ്സറി. രാഷ്ട്രീയ റൈഫിൾസ് എന്ന് പറയുന്നതുപോലെ. നഴ്സറിയുടെ പുറകുവശത്തു ഞെങ്ങി ഞെരുങ്ങി ഇഴയുന്ന പൈക തോട്. പണ്ട് ഈ തോടിന് 30 അടി വീതി ഉണ്ടായിരുന്നു. ദീർഘ കാലത്തെ ജന പങ്കാളിത്തം കൊണ്ട് ഇത് പത്തു അടിയായി ചുരുങ്ങി. ജനപങ്കാളിത്തം എന്നു പറഞ്ഞാൽ ജനങ്ങൾ തോന്നിയ പോലെ സ്ഥലം കയ്യേറി മതിലുകെട്ടി സ്വന്തമാക്കുന്ന നാട്ടുനടപ്പാണ്.
രാവിലെ തന്നെ നഴ്സറിയിലേയ്ക്ക് തിരിച്ചു. കിഴിവ് കേട്ടറിഞ്ഞ
കുറെ ആളുകൾ അവിടെ എത്തിയിരുന്നു. ബെന്നി എന്ന ചെറുപ്പക്കാരൻറെ ഉടമസ്ഥതയിൽ ഉള്ളതാണ് നേഴ്സറി. അദ്ധ്വാന ശീലനായ ആ നാല്പതുകാരൻ ഓടിനടന്ന് ചെടികളുടെ ഗുണങ്ങൾ വിവരിക്കുകയും ആവശ്യക്കാർ ചൂണ്ടി കാണിക്കുന്ന തൈകൾ എടുത്തു മാറ്റി വെക്കുകയും ചെയ്ത് വളരെ busy ആയിരുന്നു. രണ്ടാളുടെ പണി പണിയുന്നവനാണ് ബെന്നി. കിളിക്കൂട് പോലെ ഒരു ഓഫീസ് ഉണ്ട്. പണം കണക്കുകൂട്ടി വാങ്ങി receipt കൊടുക്കാൻ മാത്രമേ ബെന്നി അവിടെ കയറാറുള്ളൂ. ബാക്കി സമയം കഠിനമായ അദ്ധ്വാനം.ചെളി പറ്റിയ ഒരു പഴഞ്ചൻ നോക്കിയ ഉണ്ട് ദൂര സ്ഥലങ്ങളിൽ ഉള്ള customers നോട് സംസാരിക്കാൻ.
സ്ഥാനമൊഴിഞ്ഞ ബെനഡിക്ട് മാർപ്പാപ്പയെ പോലെ മൃദുവായി സംസാരിക്കുന്ന ആളാണ്‌ ബെന്നി. മഞ്ജുഭാഷണൻ എന്നു വേണമെങ്കിൽ പറയാം. എന്നെ കണ്ട പാടെ അവൻ ഓടിവന്നു സ്വീകരിച്ചു.
"ഒന്നാന്തരം തൈകൾ ഉണ്ട് സാറേ. ഏതൊക്കെയാ വേണ്ടത് ?" ബെന്നി ചോദിച്ചു.
"അങ്ങനെ പ്രത്യേകിച്ച് ഒന്നുമില്ല. നല്ല തണൽ ഉള്ള മരമാണ് വേണ്ടത് "
"എന്നാൽ സിപിഎം പൊങ്ങല്യം നോക്കാം. നല്ല തണൽ തരും. "
ബെന്നി കുറെ സിപിഎം തൈകൾ കാണിച്ചു തന്നു
അവർക്ക് പൊങ്ങച്ചം കൂടുതലാണ്. അതുകൊണ്ടാണ് പൊങ്ങല്യം എന്നു പറയുന്നത്. പാഴ് തടിയാണ്. കട്ടിൽ പണിയാൻ കൊള്ളാം. പിന്നെ ഒരു പൊങ്ങല്യം എടുത്താൽ പത്തു CPI കാനവാഴ ഫ്രീയാണ്. കാര്യം പിടി കിട്ടിയല്ലോ. "
എന്നാൽ ഒരു തൈ മാറ്റിവെക്കൂ.
അടുത്തതായി പോയത് Kerala Congress Section ലെയ്‌ക്കാണ്‌. പല തരം ചെടികൾ. എ തൊട്ട് Z വരെ. നല്ല ഇലവിരിവുള്ള ഒരു കേരള Congress ( M) തൈ ഞാൻ സെലക്ട് ചെയ്ത് മാറ്റി വെച്ചു. ബെന്നി എന്നെ മാറ്റിനിറുത്തി ഇങ്ങനെ മൊഴിഞ്ഞു.
" സാറിനോട് ആയതുകൊണ്ട് ഒരു കാര്യം ഞാൻ പറയാം. ഈ തൈ വാങ്ങുന്നത് risk ആണ്. പിളർപ്പ്‌ രോഗമാണ് എല്ലാത്തിനും. വെറുതെ കാശ് കളയണ്ട. നല്ല ഉയരത്തിൽ വളരും. പക്ഷേ ഏതു സമയത്തും നടുവേ പിളർന്ന് താഴെ വീഴും. "
അടുത്തതായി ബെന്നി എന്നെ കൊണ്ടു പോയത് " അലവലാദികൾ ' എന്ന Section ലെയ്‌ക്കാണ്‌. ഇലയ്ക്ക് വാട്ടം ഉള്ള , കാണാൻ ഭംഗിയില്ലാത്ത കുറ്റി ചെടികൾ. NCp, ജനതാ ദൾ, ആം ആദ്മി, BSP, SP, DMK മുതലായ ചെടികൾ.
" ചുമ്മാ കൊടുക്കാമെന്നു പറഞ്ഞാലും ഒരു പട്ടിക്കുപോലും ഈ തൈകൾ വേണ്ടാ. " ബെന്നി പറഞ്ഞു.
അടുത്ത SECTION ആയ BJP ചെടികളാണ് ബെന്നി കാണിച്ചു തന്നത്. കാഴ്ചയിൽ ജാതി പോലെ ഇരിക്കും .
" ഒരു വിധം നന്നായി വളരും. പൂക്കും. പക്ഷേ കായ് ചെറുതിലേ വാടി വീഴും. അതാണ്‌ BJP ചെടികളുടെ പ്രശ്നം. "
" സാറിൻറെ പറമ്പിൽ കശുമാവ് ഉണ്ടോ ?ഉണ്ടെങ്കിൽ ഒരു വള്ളിച്ചെടി എടുത്തോ. കശുമാവിൽ ചുറ്റി കയറുന്ന RSP വള്ളിച്ചെടി. രണ്ട് തരമുണ്ട്. KERALA VARIETY യും ബംഗാൾ VARIETY യും. "
"വേണ്ടാ ബെന്നീ " ഞാൻ പറഞ്ഞു.
" എന്നാൽ നമുക്ക് CONGRESS തൈകൾ നോക്കാം. " ഞങ്ങൾ Congress section ലേയ്ക്ക് നടന്നു. അൽപ്പം മുരടിപ്പ് ഉള്ള തൈകൾ ആണ്. ഇലകളിൽ ഏതോ പൂപ്പൽ. ഉമ്മൻ ചാണ്ടി, സുധീരൻ, ആന്റണി, മുരളീധരൻ, തിരുവഞ്ചൂർ മുതലായ തൈകൾ.
" പണ്ട് നല്ല ഡിമാൻഡ് ആയിരുന്നു. ഗ്രൂപ്പിസം fungus പടർന്നതിനു ശേഷം പൊതുവേ മാന്ദ്യത ആണ്. "
കൂട്ടത്തിൽ പൊക്കം കുറഞ്, പച്ചപ്പ്‌ കൂടുതലുള്ള ഒരു തൈ ചൂണ്ടിക്കാണിച്ചു ബെന്നി പറഞ്ഞു.
" കുള്ളൻ variety ആണ്. ഉള്ളതിൽ മെച്ചമാണ്. ഇക്കൊല്ലം നട്ടാൽ
2021ൽ കാ പറിക്കാം. Value for money. ഇതിൻറെ പേര് ചെന്നിത്തല. ഉഗ്രനാണ്. ഒട്ടും അമാന്തിക്കാതെ സാർ വാങ്ങിക്കോ. ഞാൻ guarantee തരാം. "
ബെന്നി ഒരു ചെന്നിത്തല തൈ മാറ്റിവെച്ചു. ഓഫീസിൽ പോയി
പണം കൊടുത്തു് രസീത് വാങ്ങി.
ചെന്നിത്തല തൈ ഒരു ഓട്ടോയിൽ കയറ്റി വീട്ടിലെത്തിച്ചു. ഒരു നല്ല ദിവസത്തിൻറെ ശുഭ സമാപ്തി.
Comments
Post a Comment