മനുഷ്യൻ മതങ്ങളെ സൃഷ്ട്ടിച്ചു (ഒരു പഠനം)-1

ഇന്ത്യയിൽ അങ്ങോളമിങ്ങോളം മതപരമായ വിവാദങ്ങൾ ചൂടു പിടിച്ചിരിക്കുന്ന ഇക്കാലത്ത് വളരെ പ്രസക്തിയുള്ള ഒരു ഗാനമാണ്
മനുഷ്യൻ മതങ്ങളെ സൃഷ്ട്ടിച്ചു' .(1972).ഇമ്പം കൊണ്ട് എടുത്തു പറയാൻ ഒന്നുമില്ലാത്ത  ഈ ഗാനം നമ്മളെ ആകർഷിക്കുന്നത് അതിലെ
ആശയങ്ങൾ കാരണമാണ്. ഏത് സാധാരണക്കാരനും മനസ്സിലാകുന്ന
ഭാഷയിലാണ് വയലാർ രാമവർമ്മ ഈ ഗാനം എഴുതിയിട്ടുള്ളത്.
ഒരു പ്രവചനം പോലെ ഈ ഗാനം നിലനിൽക്കുന്നു.

പഴമക്കാർ ഇന്ന് ശ്രദ്ധിക്കുന്ന ഒരു irony,1972ൽ കേരളത്തിലെ ജനങ്ങൾ ഇന്നത്തെക്കാൾ പുരോഗമനപരമായി ചിന്തിക്കുകയും
ആശയങ്ങളെ ഉൾക്കൊള്ളുകയും ചെയ്തിരുന്നു എന്നതാണ്.അതുകൊണ്ടാണ് "മനുഷ്യൻ മതങ്ങളെ സൃഷ്ട്ടിച്ചു','ഈശ്വരനൊരിക്കൽ വിരുന്നിനു പോയി','പ്രവാചകന്മാരെ പറയൂ' മുതലായ ഗാനങ്ങളെ ജനങ്ങൾ
രണ്ടു കയ്യും നീട്ടി സ്വീകരിച്ചത്." കാറ്റടിച്ചു കൊടുംകാറ്റടിച്ചു"എന്ന ഗാനവും എടുത്തു പറയത്തക്ക ഒന്നാണ്.

നിർഭാഗ്യവശാൽ ഇതുപോലുള്ള ഗാനങ്ങളെയും അവയിലെ
സന്ദേശങ്ങളെയും ഉൾക്കൊള്ളാൻ 21ആം നൂറ്റാണ്ടിലെ കേരള ജനതയ്ക്ക് സാധിച്ചിട്ടില്ല. അതിന്റെ പ്രതിഫലനമാണ് ഇപ്പോൾ ശബരി മലയിൽ കാണുന്നത്.

മണ്ണ് പങ്കുവെച്ചു
മനസ്സ് പങ്കുവെച്ചു

ഈ കൊച്ചു വരികളുടെ വ്യാപ്തി ആഗോള തലത്തിൽ ആണ്. മതത്തിന്റെ പേരിൽ ഇന്ത്യ 1947ൽ രണ്ടായി വിഭജിക്കപ്പെട്ടു.
ഇതിനാണ് മണ്ണ് പങ്കുവെച്ചു എന്ന് പറയുന്നത്. മതങ്ങൾ ജനങ്ങളുടെ മനസ്സ് പങ്കു വെക്കുന്നത് ഇന്നും തുടരുന്നു.


നമ്മളെ കണ്ടാലറിയാതായി

മത ത്തിൻറെ പേരിൽ മനുഷ്യരെ വേർതിരിച്ചു കാണുന്ന പ്രവണത
ഇന്ന് വർദ്ധിച്ചു വരുന്നു.

ഇന്ത്യ ഭ്രാന്തലയമായി

2018നെ പ്പറ്റി 1972ൽ വയലാർ പ്രവചിച്ചു. ഇന്ന് ശബരിമലയിലും
അയോധ്യയി ലും മറ്റും നടക്കുന്ന സംഭവങ്ങൾ ഇന്ത്യയെ
ഒരു ഭ്രാന്താലയം ആക്കുന്നു. മനുഷ്യരുടെ പ്രധാന ആവശ്യങ്ങൾ
കുടിവെള്ളം, വീട്, ഭക്ഷണം, വിദ്യാഭ്യാസം, ആരോഗ്യം മുതലായവ
ആണ്. ഇവ പരിഹരിക്കാതെ പ്രതിമകളും ക്ഷേത്രങ്ങളും പണിത് ഉയർത്തിയതുകൊണ്ടു കാര്യമില്ല. ഏറ്റവും അധികം ഈശ്വര ഭക്തി ഉള്ള രാജ്യമാണ് ഇന്ത്യ. പക്ഷേ അതിൻറെ പ്രയോജനം ഒരിടത്തും കാണാനില്ല.

ആയിരമായിരം മാനവ ഹൃദയങൾ
ആയുധപ്പുര കളായി

ആയുധപ്പു ര എന്ന പ്രയോഗം വളരെ വ്യാപ്തി ഉള്ളതാണ്. മനുഷ്യ മനസ്സുകളിൽ മത വിദ്വേഷം നിറഞ്ഞിരിക്കുന്നു. ഏതു സമയവും വിദ്വേഷത്തിന്റെ ആയുധങ്ങൾ പ്രയോഗിക്കപ്പെടാം. ഇതിലുള്ള irony,1972ന് ശേഷമാണ് മതത്തിന്റെ പേരിലുള്ള കലാപങ്ങളും
ആക്രമണങ്ങളും നടന്നത് എന്നതാണ്.

1984ലെ സിഖ് കൂട്ടക്കൊല,1993 ലെ മുംബൈ സ്ഫോടന പരമ്പര, ഗോധ്രാ കൂട്ടക്കൊല,കോയമ്പത്തൂർ സ്‌ഫോടനങ്ങൾ, ഒറീസയിലെ
കൂട്ടക്കൊലകൾ, വിവിധ സ്‌ഫോടനങ്ങൾ,2008ലെ മുംബൈ ഭീകരാക്രമണം എന്നിവ മതത്തിൻറെ പേരിൽ ആയിരുന്നു.(തുടരും)